Nënkryetarja e Lëvizjes Vetëvendosje, Albulena Haxhiu nuk do të jetë pjesë e kabinetit qeveritar të kësaj partie.
Gazeta Metro ka mësuar se Haxhiu është emëruar shefe e grupit parlamentar të VV’së, gjë që e bën të pamundur të jetë në pozitën e ministres.
Lideri i Vetëvendosjes, Albin Kurti me anë të një videoje ku kishte prezantuar kabinetin e tij qeveritar, Haxhiun e kishte cilësuar si ministre e ardhshme e drejtësisë, gjë që tashmë ka ndryshuar.
Ndërkohë që pritja për arritjen e marrëveshjes për koalicion qeverisës ndërmjet kësaj partie dhe LDK’së, ka përfunduar sot, meqë është raportuar se i zgjedhuri si kryeparlamentar, Glauk Konjufca do të jap dorëheqje nga ky post gjë që e bën më të lehtë krijimin e këtij koalicioni të shumëpritur.
Kujtojmë se Haxhiu ka qenë kryetare e komisionit për legjislacion e kësaj partie.