Delegacioni kosovar në një nga takimet në Bruksel për bisedime me Serbinë, u bë cak i hajnave.
Gazeta Online “Reporteri.net” ka marrë vesh që delegacionit të përbërë nga koordinatori shtetëror për dialogun Kosovë-Serbi, Skënder Hyseni, eksperti për çështje ekonomike në dialog, Muhamet Mustafa dhe ish-ambasadorit në Belgjikë, Bernard Nikaj, i është vjedhur një çantë me dokumente.
Për këtë ka reaguar deputetja e PDK-së, Ariana Musliu-Shoshi, e cila thotë se shpreson që të mos ketë pasur ndonjë sanduiç në çantë, shkruan Reporteri.net.
Ajo thotë se do të ishte edhe më keq, e sjellje jo serioze sikur nga kjo çantë të merreshin dokumente përmes së cilave Qeveria jonë i udhëheq këto bisedime.
Postimi i saj:
Shpresoj që çanta e humbur e Skënder Hysenit të ketë mbajtur vetëm ndonjë sandwich të shijshëm nga Brukseli për Kryeministrin Hoti, përndryshe ende edhe më keq sikur t’i humbet Kushtetuta, udhërrëfyesi për dialog siç do të kishte thënë Avdullah Hoti.
Do të ishte edhe më keq, e sjellje jo serioze sikur nga kjo çantë të merreshin dokumente përmes së cilave Qeveria jonë i udhëheq këto bisedime.
Skënder Hyseni edhe Kryeministri Hoti, duhet të tregojnë se kur u ka humbur kjo çantë, çka ka pasur në të dhe a është kthyer në gjendjen e mëparshme?
https://www.facebook.com/arianamusliushoshi/posts/399496504739934