Ndalimi i importeve të qymyrit rus nga vendet e Bashkimit Europian do të hyjë në fuqi në gusht, sipas një zyrtari europian për CNN.
Vendet anëtare të BE-së miratuan të enjten paketën e pestë të sanksioneve kundër Rusisë. Paketa përfshin ndalimin e importit të qymyrit. Kjo prek një të katërtën e të gjitha eksporteve ruse të qymyrit, duke shkaktuar rreth 8 miliardë euro humbje të të ardhura në vit për Rusinë, sipas Komisionit Europian.
- Advertisement -
Sipas një burimi të BE-së, ndalimi nuk do të jetë i menjëhershëm, por gradual. Paketa përfshin gjithashtu mbylljen e porteve të BE-së për anijet ruse dhe ndalimin e eksporteve të produkteve teknologjike në Moskë.