Presidenti i Kosovës, Hashim Thaçi, ka thënë se javën tjetër do të ndërmarrë hapa kushtetues për formimin e Qeverisë së re.
Ai përmes një postimi në Twitter ka shkruar se kjo Qeveri do të jetë e aftë për të luftuar Covid-19 dhe për t’i shërbyer popullit.
Thaçi ka thënë se tarifat dhe reciprociteti duhet të bien për të forcuar mbështetjen e SHBA-së dhe BE-së për Kosovën.
“Javën tjetër unë do të ndërmarr hapat e fundit kushtetues për të mundësuar formimin e një Qeverie të re me një legjitimitet të plotë nga Parlamenti, e aftë për të luftuar # COVID19 dhe për t’i shërbyer popullit. Tarifat dhe reciprociteti duhet të bien për të forcuar mbështetjen e SHBA dhe BE për Kosovën”, ka shkruar ai.
Thaçi që nga rënia e Qeverisë, ka kërkuar nga kryeministri në detyrë, Albin Kurti, emrin e një mandatari për krijimin e një Qeverie të re. Ndërkaq ky i fundit ka deklaruar se dëshirojnë zgjedhje posa të përfundojë situata me pandeminë.
Next week I’ll take the final constitutional steps to enable the formation of a new Government w/ full legitimacy from Parliament, capable to fight #COVID19 and serve the people. Tariffs & reciprocity need to be dropped in order to strengthen USA & EU support for Kosova.
— Hashim Thaçi (@HashimThaciRKS) April 19, 2020