Binjakët e lindur 15 minuta larg njëri-tjetrit kanë datëlindje në vite të ndryshme (FOTO)

Krejt çka u deshën ishin 15 minuta që binjakët të lindnin në ditë të ndryshme në vite të ndryshme.

Fatima Madrigal dhe Robert Trujillo mirëpritën djalin e tyre, Alfredo, në natën e Vitit të Ri në orën 23:45, ndërsa vajza Aylin lindi pikërisht kur ora shënoi mesnatën e Vitit të Ri.

“Është çmenduri për mua që ata janë binjakë dhe kanë ditëlindje të ndryshme”, tha Madrigal në një deklaratë për shtyp nga qendra mjekësore në Kaliforni.

Ndërsa doktoresha Ana Abril Arias, e quajti lindjen e binjakëve “një nga lindjet më të paharrueshme të karrierës së saj”.

Ka rreth 120 mijë lindje binjakësh në SHBA çdo vit, duke përbërë mbi 3 për qind të të gjitha lindjeve. Megjithatë, binjakët me ditëlindje të ndryshme janë edhe më të rrallë, me një shans të vlerësuar prej një në 2 milionë.