Pagat e këtij muaji, punëtorët e ndërmarrjes Pastrimi do t’i marrin më të vogla, kjo pasi Bordi i kësaj ndërmarrje ka marrë vendim që ato të ulen. Zvogëlimi i pagave ka ndodhur pak para fetës së Bajramit.
Punëtorët e ndërmarrjes Pastrimi tash e tutje do të marrin paga më të vogla.
Vendimin për uljen e pagave të tyre e ka marrë Bordi i Ndërmarrjes, derisa vendimi është nënshkruar edhe nga vet kryeshefi.
Ky vendim që është marrë vetëm tri ditë më parë, ka hyrë në fuqi menjëherë dhe që pagat e punëtorëve janë ulur në këtë muaj.
Shkak i këtij vendimi, punëtorët e ndërmarrjes do t’i marrin pagat më të vogla edhe për festën e Bajramit.
Ky vendim është marrë një javë para se punëtorët t’i marrin pagat e tyre.
Në vendimin që e ka siguruar Gazeta Online Reporteri.net thuhet se vendimi është marrë për shkak të gjendjes financiare të kompanisë.
“ Bordi i Drejtorive të në mbledhje e mbajtur më datën 09.03.022 ka shqyrtuar çështjen e zbritjes së pagave për të punësuarit, dhe pas shqyrtimit dhe vlerësimit të ecurisë së procesit të punës në Ndërmarrje, objektivave si dhe duke e shqyrtuar gjendjen financiare në kompani, prandaj është vendosur si në dispozitën e këtij vendimi”, thuhet në këtë dokument.
Siç ka bërë me dije Ndërmarrja, për zbatimin e këtij vendimi do të kujdeset Shërbimi i Financave dhe Administratës.