Përfaqësuesi i posaçëm i Bashkimit Evropian për dialogun Kosovë-Serbi, Mirosllav Lajçak, ka mbërritur sot në kryeqytetin kosovar, për takime me krerët e shtetit.
Lajçak ka takuar gjatë së martës presidentin e vendit Hashim Thaçi, kryeministrin Avdullah Hoti dhe kryeparlamentaren Vjosa Osmani.
Pas takimeve, ai ka treguar detaje të bisedimeve me udhëheqësit kosovarë.
Lajçak ka shkruar në Twitter se çfarë pret nga Hoti, teksa ka zbuluar se si rrodhi takimi i tij me Thaçin.
“Takimi i parë në ditën e parë në Prishtinë me presidentin Hashim Thaçi: një mundësi e mirëpritur për një diskutim të detajuar për pritjet dhe modalitetet për rifillimin e shpejtë të dialogut të ndërmjetësuar nga BE’ja”, ka ‘cicëruar’ Lajçak në rrjetin social.
Meeting 1️⃣ on day 1️⃣ in Pristina with President @HashimThaciRKS: a welcomed opportunity for a detailed discussion about expectations and modalities for swiftly resuming the EU-facilitated Dialogue. pic.twitter.com/w78AYmpMkH
— Miroslav Lajčák (@MiroslavLajcak) June 16, 2020
“I lumtur që u takova sy më sy me kryetaren e Kuvendit, Vjosa Osmani, pas dy muajsh bisedash me telefon. Kemi diskutuar për rrugën përpara drejt rifillimit të shpejtë të dialogut të ndërmjetësuar nga BE’ja, dhe për nevojën që Kuvendi të jetë plotësisht mbështetës”, ka shkruar Lajçak më vonë.
Happy to meet with Speaker of the Assembly @VjosaOsmaniMP in person after two months of phone conversations. We discussed the way forward towards a swift resumption of the EU-facilitated Dialogue and the need for the Assembly to be fully on board. pic.twitter.com/rbYUctdaKc
— Miroslav Lajčák (@MiroslavLajcak) June 16, 2020
“Faleminderit kryeministër Avdullah Hoti për bashkëpunimin me BE’në që kjo vizitë e rëndësishme të realizohej aq shpejt pasi morët detyrën! Kemi folur për hapat e ardhshëm konkretë për vazhdimin e dialogut të ndërmjetësuar nga BE’ja, për modalitetet dhe për pritjet. Mezi po pres që të bashkëpunojmë ngushtë”, është shprehur diplomati sllovak në fund.
Thank you Prime Minister Avdullah Hoti for working with ?? to make this important visit happen so soon after resuming office! We spoke about concrete next steps in resuming the EU-facilitated Dialogue, modalities and expectations. I’m looking forward to our close cooperation. pic.twitter.com/5JJGGdvqDl
— Miroslav Lajčák (@MiroslavLajcak) June 16, 2020