Çmimi i biletës Prishtinë – Gjakovë, i njëjti si ai Prishtinë – Romë

Në vazhdën e rritjes së çmimeve është rritur edhe çmimi i biletës në linjën Prishtinë-Gjakovë. Nga katër euro sa ishte tani është bërë pesë euro.

Këtë lajm e ka bërë të ditur njëra prej kompanive që funksionon në vend.

Por, ky çmim i biletës del të jetë i njëjtë sa ai për të fluturuar drejtë Romës.

Në një fotografi të publikuar nga “Syri.net Kosova”, shihet se bileta e linjës Prishtinë-Gjakovë dhe anasjelltas, ka të njëjtin çmim me një biletë fluturimi nga Prishtina në Romë të Italisë, për datën 27 mars.