Kryediplomati i Serbisë, Ivica Dacic i cili po vazhdon me fushatën e tij duke korruptuar me para vendet afrikane që të tërheqin njohjet e pavarësisë së Kosovës, tani ka zbuluar porosinë e marrë nga presidenti francez, Emmanuel Macron në lidhje me çështjen e Kosovës.
Dacic tha se Macron i ka thënë atij në New York se do të përfshihet në mënyrë aktive në dialogun mes Beogradit dhe Prishtinës pas zgjedhjeve parlamentare në Kosovë.
- Advertisement -
“Macron më ka thënë që t’ia përcjelli mesazhin presidentit Aleksandar Vucic se do të bëjë të gjitha që i ka premtuar gjatë vizitës në Beograd dhe se vetëm është duke pritur përfundimin e zgjedhjeve në Kosovë dhe në mënyrë aktive të përfshihet në dialogun mes Beogradit dhe Prishtinës”, deklaroi Dacic.
Po ashtu Dacic është rikthyer mbrapa tek vizita e Macronit në Serbi duke thënë se atij i ka pëlqyer dhe i ka lënë përshtypje mikpritja nga serbët.