Presidenti serb Aleksandar Vuçiq, u ka bërë thirrje serbëve në Kosovë, dhe ata që janë të zhvendosur që të ushtrojnë të drejtën e tyre dhe të votojnë për Listën Serbe në zgjedhjet e 6 tetorit.
Ai deklaroi se në këtë mënyrë do të dështojnë përpjekjet për të manipuluar vullnetin zgjedhor të serbëve të Kosovës, transmeton Reporteri.net.
Në një deklaratë për RTS, Vuçiq tha se Lista Serbe po përjeton terror dhe persekutim të vërtetë politik, të organizuar nga shteti i Kosovës, i mbështetur nga një pjesë e bashkësisë ndërkombëtare.
- Advertisement -
“Shikoni kush dhe pse gjithçka po funksionon kundër Listës Serbe”, tha Vuçiq duke theksuar se fushata konsiston në faktin se vetëm përfaqësuesit e Listës Serbe nuk mund të marrin mbështetje nga askush nga Serbia qendrore”.