Deputetja e PDK-së, Eliza Hoxha është shëruar nga koronavirusi.
- Advertisement -
Këtë e ka bërë të ditur vëllai i saj, Fatos Hoxha, përmes një postimi në Facebook.
“Kah po shkon oj NEGATIVE”, ka shkruar Hoxha, derisa ia ka bashkangjitur një fotografi të deputetes së PDK-së jashtë Klinikës Infektive.
Nga ky përshkrim, vëllai i saj ka lënë të kuptohet se deputetja e PDK-së ka dalë negativ në testin për koronavirus.
- Advertisement -
Kujtojmë, se Eliza Hoxha javë më parë mori shumë reagime nga qytetarët, e cila derisa ishte e infektuar me koronavirus, kishte dalë jashtë shtëpisë.
Por, deputetja e PDK-së ka thënë se arsyeja pse kishte thyer vetizolimin ishte për shkak të gjendjes jo të mirë, ku u detyrua të bënte një rentgen të mushkërive.