Nga sot Rrahman Rama nuk është më komandant i Forcave të Sigurisë së Kosovës. Vendin e tij e zuri, nipi i Komandantit legjendar, Adem Jasharit, Bashkim Jashari.
Duke qenë deri sot në këtë pozitë, Rama ka deklaruar pasurinë e tij në AKK.
Ai ka deklaruar se posedon një banesë, shtëpi banimi e tokë pune të gjitha në vlerën 197 mijë euro.
- Advertisement -
Ai ka deklaruar se posedon edhe një veturë Audi A8 në vlerën 18 mijë euro. Poashtu është edhe aksionar në një fermë me aksione në vlerë 96 mijë euro.
Rama ka deklaruar se posedon 15 mijë euro të kursyera në bankë. Mbi 19 mijë euro janë të hyrat vjetore të tij, nga rroga e tij prej 1,600 euro. Dhe mbi 5.700 euro janë të hyrat nga paga e bashkëshortes së tij që punon në MASHT.