Se ka pasur parregullësi gjatë procesit të numërimit të votave po vërtetohet dita e ditës, ndërsa KQZ akoma nuk ka dalur me ndonjë reagim zyrtar
Kandidatët për deputët nga Aleanca për Ardhmërinë e Kosovës po vazhdojnë të publikojnë dëshmi se si iu janë manipuluar votat, derisa KQZ-ja akoma nuk ka reaguar për këto çështje.
Burim Ramadani, kandidat për deputet nga AAK-ja me anë të një postimi të publikuar në Facebook ka bërë të ditur se atij iu janë avulluar 58 vota nga Qendra e Votimit 2401A.
Në fletën llogaritëse ai ka 58 vota, ndërsa në atë zyrtaren iu janë shkruar 0 vota.
Ndryshe, Burim Ramadani nuk është i vetmi që është ankuar për avullim të votave nga radhët e AAK-së pasi ditëve të fundit ka pasur ankesa edhe nga kandidatët tjerë.
Fiknete Bejta është një tjetër kandidate për deputete nga radhët e AAK-së është ankuar se ia kanë avulluar votat.
Sot gjatë ditës janë publikuar dëshmi të reja se si iu janë vjedhur votat kandidatëve të AAK-së në Deçan.
