Don Lush Gjergji dyshohej se ishte prekur me koronavirus, sepse ishte i afërm me 77-vjecarin e diagnostikuar, me të cilin ka pasur komunikim.
Vikari i Kishës Katolike, Don Lush Gjergji, i është nënshtruar testimit për të kuptuar nëse është prekur nga koronavirusi.
Gjergji ka dalë negativ në test, ka mësuar Gazeta Express nga burimet e saj të besueshme.
Gjergji dyshohej se ishte prekur me koronavirus, sepse ishte i afërm i 77-vjeçarit nga Vitia, i cili të premten u konfirmua se është infektuar nga virusi, që origjinën e ka nga Kina.
Pesë persona deri më tani janë konfirmuar të prekur nga koronavirusi në Kosovë.
Krahas tri rasteve pozitive të mëhershme, sot pasdite në Laboratorin e Mikrobiologjisë Molekulare në Institutin Kombëtar të Shëndetësisë Publike të Kosovës janë konfirmuar edhe dy raste të reja pozitive për virusin SARS-CoV-2.
Njëri rast është nga Stublla e Vitisë (kontakt i rastit të parë) i gjinisë mashkull 42 vjeçar, dhe një rast 37 vjeçare, shtetase kosovare me qëndrim në Itali-Brescia, e cila ka ardhur në Kosovë dhe vend qëndrimi i saj në Kosovë është fshati Bubavec, Komuna e Malishevës.