4.9 C
Pristina
Monday, March 25, 2024

E ndërroi edhe emrin pas detyrës, por nuk i shpëtoi shkarkimit nga Konsulli

Rekomandime

Halim Krasniqi është konsulli i përgjithshëm i Kosovës në Tiranë që sot u shkarkua nga kjo pozitë me shfuqizimin e ushtrueses së detyrës së presidentes, Vjosa Osmani.

E, tashmë si ish-konsull, Krasniqi nuk kishte një imazh të mirë prej diplomati në shtetin shqiptar.

- Advertisement -

Me të marr postin e Konsullit të Përgjithshëm në Tiranë, Krasniqi kishte ndërruar emrin nga Halim në Arian.

Mediat në Shqipëri kishin raportuar se si Konsulli i Përgjithshëm rezultonte që operonte me dy emra.

Në një pasaportë të lëshuar më 25 gusht të vitit 2015 nga institucionet e Kosovës, konsulli i shkarkuar i Kosovës në Tiranë kishte emrin Halim Krasniqi, ndërkohë që në një dokument tjetër identifikimi të lëshuar nga autoritet në Shqipëri në vitin 2011, Krasniqi mbante emrin Arian.

- Advertisement -

Mediat shqiptare kishin raportuar se nuk kuptohet se si Krasniqi e ka marrë dokumentin e indentifikimit me shtetësi shqiptare në 2011, kur në pesë vite më vonë, në 2017, ka marrë pasaportë kosovare.

Krasniqi ishte emëruar në postin e konsullit vetëm një muaj pasi që Hashim Thaçi kishte marr postin e presidentit në vitin 2016.

- Advertisement -

Ish- ministri i jashtëm Glauk Konjufca kishte marr vendim që Krasniqi të tërhiqej nga detyra e Konsullit që më 30 mars 2020, por Thaçi nuk dekretonte vendimin, duke e mbajtur Krasniqin në detyrë në kundërshtim me ligjin.

Ndërsa më 4 shtator 2020, Thaçi, kishte emëruar edhe për një mandat tjetër Halim Krasniqin, pasi emërimi i konsullit bëhet me propozim të ministrisë dhe se konsulli që nuk është anëtar i shërbimit diplomatik, nuk mund të qëndrojë më shumë se një mandat.

Ndërsa sot presidentja Osmani për konsullin në Tiranë, Halim Krasniqit, ka vendosur ta shfuqizojë dekretin për emërimin e konsullit të përgjithshëm, në përputhje me propozimin e Ministrisë së Punëve të Jashtme, propozim ky i cili sipas saj nuk ishte marrë për bazë nga Presidenti paraprak.

Osmani ka shfuqizuar edhe tre dekrete për konsujt në Pragë, Lubjanë dhe Shkup. Flakron Shala, i (Prage), Blendi Kilaj (Lubjane), Lindon Kqira (Shkup).

Sipas Osmanit, sa i përket këtyre tri rasteve, bazuar në praktikën diplomatike e konsullore, konsullatat e përgjithshme, si rregull, nuk hapen dhe konsujt e përgjithshëm nuk emërohen në të njëjtin qytet ku ndodhet edhe Ambasada.

Për më tepër, bazuar në informatat që na janë dërguar, për këta konsuj të përgjithshëm nuk kishte ekzekuaturë/pëlqim nga shteti pritës”, thuhet në njoftim.

-Advertisement-

Më shumë artikuj

- Advertisement -

Të fundit