Përmbajtja e marrëveshjes që u publikua dje nga ana e Bashkimit Evropian pas takimit Kurti-Vuçiq, po vazhdon të komentohet. Në vallen e komenteve ka hyrë edhe Edi Rama, kryeministër i Shqipërisë.
Në një cicërimë në Twitter, Rama ka “goditur” Albin Kurtin, kryeminsitër i Kosovës, i cili dje e shpalli publikisht gatishmërinë për të nënshkruar dokumentin, ku parashihet edhe respektimi i marrëveshjeve paraprake, përfshirë atë të Asociacionit.
Në cicërimin e tij, z. Rama ka shkruar me ironi duke thënë se uron të mos sulmohet z. Kurti si tradhtar.
“Uroj që askush të mos e akuzojë Albin Kurtin për tradhëti apo harresë, por gjithkush të kuptojë se kryeministri i sotëm i Kosovës ka bërë gjënë e duhur, duke hedhur një hap të parë me shumë rëndësi drejt daljes nga kurthi i të djeshmes. Hapa të tjerë pasofshin pa humbur kohë!” – shkroi ai.
This is an important milestone for regional peace and I strongly encourage all parties involved to continue working on a swift implementation.On peace and cooperation Albania is and will remain a firm believer and a role model. We fully support every effort to overcome the past.
— Edi Rama (@ediramaal) February 28, 2023