Sot në orët e para të mëngjesit filiali i BKT-së në Veternik u sulmua nga hajnat. Indeksonline publikoj videon ekskluzive të rastit.
Gjatë tentim grabitjes, një polici mbeti i plagosur. Indeksonline ka arritur të mësoj që i polici i plagosur është R.Mulaj.
Po ashtu Indeksonline, ka siguruar pamje të veturës së policisë, ku shihen vrimat kanë shkaktuar plumbat e armës së hajdutëve.
Përveç grabitësve, armët janë përdorur edhe nga zyrtarët policorë në vetëmbrojtje, por nuk raportohet për të lënduar tjerë.
Policia, me te gjitha njësitet përkatëse ka dalë në vendin e ngjarjes dhe ka mbledhur informacione ku ka konfiskuar edhe gjurmët e lëna në vend.
Deri pasditen e së premtes, nuk është njoftuar për identifikimin apo arrestimin e të dyshuarve, ndërkohë që hetimet po kryhen nga hetuesit rajonalë.