Ylli i Përfaqësueses së Kosovës, Arbër Zeneli, është duke i munguar fushës prej më shumë se një muaji për shkak të një lëndimi të rëndë në gju.
Megjithatë, ai siç shihet po e shfrytëzon pushimin për t’u fokusuar më shumë në jetën private pas një ndryshimi të bërë së fundmi.
I njëjti bën të ditur se ka kurorëzuar dashurinë me fejesë me partneren e tij të re, Dafina Hisenin.
Këtë e ka njoftuar përmes disa fotografive që ka ndarë në rrjete sociale përkrah të dashurës e po ashtu edhe familjes së tij.
“I fejuar me dashurinë e jetës time”, ka qenë përshkrimi i imazheve të publikuara në Instagram.
Fejesa e Zenelit vjen dy vite pas fejesës së tij të parë me Majlinda Hodën, me të cilën raportohet se është ndarë në janar të këtij viti.
26-vjeçari nga ana tjetër është duke u shëruar pas një incidenti dhe si pasojë mungoi në ndeshjet e Kosovës në shtator për kualifikim në Kupën e Botës.
Ai thuhet se nuk pritet të rikthehet në fushë deri në vitin e ardhshëm. /Telegrafi/
