Deputeti i zgjedhur i Lidhjes Demokratike të Kosovës, Arben Gashi, në emisionin “A Show” ka treguar se si disa persona i janë afruar Gashit për t’i kërkuar përgjegjësi pse LDK’ja nuk po e përkrah Lëvizjen Vetëvendosje.
“Dhe pas emisionit të djeshëm, disa persona kanë ardhur te dera e studios sime me tonalitete të ngritura duke kërkuar përgjegjësi se pse LDK’ja nuk po e përkrah Vetëvendosjen dhe pse nuk po kërkojnë postin e presidentit”, ka treguar Gashi në “A show”.
Gashi ka thënë se nuk e di nëse ishin aktivistë të VV’së pao vetëm qytetarë të nervozuar.
“Unë nuk e di nëse këta persona ishin aktivistë të Vetëvendosjes apo ndoshta kanë qenë vetëm qytetarë të nervozuar”, ka thënë Gashi.
Tutje Gashi ka thënë se dy partitë duhet të merren vesh mes vete dhe nuk duhet të rrezikojmë që presionet e jashtme ta cenojnë marrëveshjen për koalicion mes LDK’së dhe VV’së.