Anëtari dhe përfaqësuesi ligjor i LVV-së, Blerim Sallahu, ka paralajmëruar “menjëherë pas zgjedhjeve” ndërtimin e “Republikës së Tretë”, duke thënë se s’ka alternativë tjetër. Kjo deklaratë ka ngjallur reagime të shumta, tallje dhe ironizime me VV’në.
Anëtari i LDK’së, Bajram Gecaj ka reaguar duke thënë Marshalli kolaboracionist Philippe Petain e kishte dorëzuar Republikën e Tretë të Francës në duart e Gjermanisë naziste, duke pyetur se ku do ta dorëzon Marshall Albini Republikën e Tretë të Kosovës.
Postimi i plotë nga Gecaj:
“MARSHALL” ALBINI
“Alternativë tjetër s’ka: Pas zgjedhjeve, menjëherë duhet të fillojmë ta ndërtojmë Republikën e Tretë!”, ka shkruar Sallahu i LVV-së!
Marshalli kolaboracionist Philippe Pétain e kishte dorëzuar Republikën e Tretë të Francës në duart e Gjermanisë naziste! Po “Marshall” Albini në duart e kujt do ta dorëzonte Republikën e Tretë të Kosovës?