Boksieri i njohur nga Kosova, Haxhi ‘Robin’ Krasniqi, do të rikthehet edhe njëherë tjetër në ring dhe përsëri për të kërkuar titullin e botës.
- Advertisement -
Boksieri nga Juniku dy herë në të kaluarën kishte dueluar për titullin e botës në kategorinë gjysmë të rëndë, por që në të dyja rastet kishte dështuar.
Kësaj here, mbase do jetë ‘e treta e vërteta’ për 33 vjeçarin. Krasniqi do luftojë përsëri për këtë titull sonte (më 10 tetor), teksa për kundërshtar kësaj radhe do e këtë gjermanin, Dominic Bosel. Meçi do zhvillohet në ‘Getec-Arena’ në Magdeburg të Gjermanisë.
Meçi mes Haxhi Krasniqit dhe Dominic Bosel fillon nga ora 23:15 dhe tifozët nga Kosova mund ta ndjekin drejtpërdrejt në ‘Klan Kosova’.
