Kryetari në detyrë i PDK’së, Enver Hoxhaj, pas pretendimeve të Ramush Haradinajt nga AAK për të marrë me çdo kusht postin e presidentin, ka thënë se partia që e drejton nuk do të bëhet pjesë e një procesi të tillë.
Hoxhaj përmes një shkrimi në rrjetin social Facebook ka thënë se PDK nuk bëhet palë e një procesi që prodhon një president që thellon përçarjet dhe e izolon Kosovën.
“Republika jonë është mbi interesat politike dhe egot personale.
Kushdo që kërkon votat e deputetëve të PDK-së në Kuvendin e Kosovës, duhet ta kuptoj njëherë e përgjithmonë, që në atë propozim e ka brenda edhe kandidatin e PDK-së!”, ka shkruar ai.
Postimi i plotë:
Partia Demokratike e Kosovës nuk shantazhohet dhe as nuk do të lejoj që dikush ta marr peng shtetin e Kosovës.
Jemi të gatshëm që të ulemi dhe të bisedojmë me çdo parti politike paralamentare që ta tejkalojmë krizën institucionale në vend dhe ta zgjedhim një president dinjitoz që i shërben unitetit të brendshëm dhe thellon partneritetin me aleatët tonë.
Por, PDK nuk do të bëhet palë e një procesi që do të prodhonte një president që thellon përçarjen e brendshme dhe e izolon Kosovën jashtë.
Republika jonë është mbi interesat politike dhe egot personale. Kushdo që kërkon votat e deputetëve të PDK-së në Kuvendin e Kosovës, duhet ta kuptoj njëherë e përgjithmonë, që në atë propozim e ka brenda edhe kandidatin e PDK-së!
Barrikadimi pas propozimeve individuale, ende pa filluar një diskutim politik ndërmjet partive parlamentare, është i dëmshëm dhe nuk e ndihmon tejkalimin e krizës por vetëm thellimin e saj./kosovaime.tv