Hoxhë Hashani: I vetmi rast në Ballkan, mbase edhe në krejt Evropën që ka tri xhami në më pak se 400 metra në Prishtinë

Në një distancë në më pak se 400 metra, në zonën e vjetër të kryeqytetit, gjenden tre xhami.

Më e vjetra e ndërtuar në vitet 1300 është xhamia e Çarshisë, tjetra në mes të lagjes, është “Jashar Pasha” e ndërtuar nga vitet 1800, ndërsa në fund është xhamia e madhe e ndërtuar në vitet 1400.

Sipas kryeimamit në Këshillin e Bashkësisë Islame të Prishtinës, Burhan ef. Hashani, një fenomen i tillë, i xhamive të cilat janë ndërtuar kaq afër njëra tjetrës, është i vetmi në Ballkan në mos në gjithë Evropën.

Sipas tij, këto objekte janë të çmuara për kryeqytetin e vendit, dhe duhet të trajtohen si të tilla edhe nga populli e shteti.