Një i ri nga Suhareka ka vendosur që të largohet nga Kosova, ani pse në vitin 1999 familja e tij ishte kthyer nga Zvicra, për t’i shërbyer vendit, shkruan Reporteri.net.
I riu, Premtim Kolgeci nga Suhareka ka postuar dy fotografi në rrjetin social Facebook, duke treguar se njëra është bërë kur ka qenë i vogël dhe ka qenë viti 1999 kur është kthyer nga Zvicra me familje, ndërsa fotografia tjetër është e shkrepur në vitin 2019 derisa largohej nga Kosova.
Ai ka thënë se në vitin 1999 në shtëpinë e tyre çdo gjë ishte e shkatërruar nga lufta, porse prapë dëshira për t’u kthyer në vendin e tyre ishte e madhe.
“Kosova ishte viti 1999 kur familja ime vendosi të kthehet prapë në Kosovë nga Zvicra, ku çdo gjë ishte e shkatërruar, shtëpisë tonë edhe tullat e bllokat ishin bërë hi, ajri dhe toka e helmuar nga pushtuesi Serb e lodrat e mija të gjitha të djegura por dëshira ishte e madhe të kthemi në Kosovë dhe u kthyem, ndërtuam prape shtëpinë nga zero dhe u rritëm dhe u shkolluam”, ka shkruar ai.
Tutje, ai ka treguar edhe arsyet se pse po e lëshon Kosovën. Kolgeci ka thënë se nuk u largua pse nuk pati një shtëpi, makinë ose rrogë, ngase i kishte pasur të gjitha, por sipas tij u largua për shkak të sistemit të instaluar i cili vlerëson të paditurin mbi të diturin.
“Kosovë nuk u largova prej teje, u largova prej sistemit të instaluar në Kosovë, u largova prej atij sistemit që i drejti dënohet, krimineli dekorohet, mjekësia është biznes e gjykatat të privatizuar e arsimi i politizuar”, është shprehur në shkrimin e tij ky i ri nga Suhareka.
Më poshtë keni edhe postimin e plotë të tij: