Ish-luftëtari i UÇK-së, dhe ish-deputeti i Kosovës, Gani Geci, ka treguar se si për emrin Skenderaj, janë rrahur dy vëllerëzit e tij, Haxhiu dhe Fadili me forcat policore serbe në Klinë të Epërme të Skenderajt.
Kjo rrahje ka ardhë pasi që, Policia serbe kanë ndalur ata dhe i kanë pyetur se prej nga janë.
Geci shkruan se Fadili i ka thënë se janë nga Skenderaj, kurse policia serbe e pyesin se ku është ky Skenderaj.
“Këtu nën këmbët e tua, është Skenderaj dhe Republika e Kosovës”, citon Geci fjalët e Fadilit.
E pas kësaj ka bërë që të fillon rrahja e vëllezërve Geci me Policinë serbe.
Geci thotë se aty rrahen derisa toka mbushet me gjakun e të dy palëve.
Kjo rrahje vazhdon për disa minuta derisa nga Skenderaj forca të mëdha policore shkojnë në vendin e ngjarjes dhe i arrestojnë vëllezërit Geci.
Pas kësaj, ata i dërgojnë në Stacion të Policisë në Skenderaj, ku me duar të lidhura për radiatorëve i rrahin pastaj derisa të alivanosen.
“Trupi dhe fytyra ju nxihet, iu ajet tejmase pas disa orëve rrahje brutale i dërgojnë në burgun e Mitrovicës dhe nga burgu i dërgojnë në spitalin e Mitrovicës edhe sot e kësaj dite kur tregon ngjarjen doktori i Spitalit të Mitrovicës, Bajram Koca se në çfarë gjendje i kishte pa nipat e vet i mbushen sytë me lot, dajës Bajram Koces i cili në atë kohë punonte mjek në atë spital. Pastaj, i dënojnë me 3 muaj burg Haxhinë, dhe 1 vjet e gjysmë Fadilin dhe i lirojnë në mbrojtje në liri. Nga kjo ditë emri i ka mbet me letra “Skenderaj” nuk mundi ta ndërroj askush dhe ky emër u la me gjak”, shkruan Geci në facebook.
Pas kësaj Geci shkruan se, në shënjë hakmarrje fillon aksioni i parë i UÇK-së me urdhër të Adem Jasharit kundër forcave serbe.
Ky aksion u krye nga Gani Geci, Xhevahir Geci dhe Agim Geci.
Shkrimi i plotë i Gani Geci:
Skenderaj, është i vetmi qytet që në dokumente figuron me emrin e vetë.
A e dini prej kur dhe si:
Skenderaj thuhet se është quajtur Skenderai prej vitit 1878 .
Emri ia kanë ndërru nga Skenderaj në Serrbicë në kohën e Serbisë së parë në vitin 1928 .
Emrin ia kthejnë prapë në Skenderaj, Mehmet Gradica Miftarë e Halil Bajraktari në vitin 1941 deri në vitin 1945 në vitin 1946 Fadil Hoxha prap ja ndërron emrin në Serrbicë deri 1990.
Pleqtë gjithmonë e quanin Skenderaj.
Ndërsa për emrin Skenderaj në vitin 1992 në gjak u lanë dy vëllezërit e mi Fadil Geci, Haxhi Geci dhe Ismet Qitaku kur forcat policore dhe ushtarake serbe kishin pushtuar të gjithë Kosovën, në Skenderaj ishim të vetmit ne vëllezërit Geci që bënim rezistencë pro-aktive edhe politike edhe ushtarake.
Duke shkuar në Mitrovicë, vëllezërit e mi Fadili dhe Haxhia ndalohen nga policia serbe në fshatin Klinë e Eperme .
E gjithë biseda zhvillohet në gjuhen serbe;
Policia i pyesin: Prej nga jeni? Fadili i përgjigjet:
Ne jemi nga Skenderaj.
Ku gjendet ky Skenderaj, e pyesin policia?
Këtu ku je ti përgjigjet Fadili, këtu nën këmbët tua është Skenderaj!
Këtu është Serrbic ia kthen polici, joo këtu është Skenderaj dhe këtu është Republika e Kosovës ia kthen Fadili dhe polici fillon dhe e godet Fadilin ….
Fadili ia kthen goditjen!
Fillon rrahja mes policëve dhe vëllezërve të mi, përgjaken dy palët edhe vëllezërit e mi edhe policia serbe.
Mbushet edhe toka me gjak të të dy palëve, mbi 10 minuta duke u rrah Fadili e Haxhiu me policë serbë.
Ndalen makinat dhe autobusat që qarkullonim, dalin fshatarët e laxhës Hamzaj, të Klinës së Epërme dhe ata ende duke u rrah me policë serbë deri sa nga Skenderaj mbrrijnë forca të mëdha me pizguvera e autoblinda .
Në asnjë menyrë 4 policë nuk munden t’i arrestojnë, vetëm me njësi speciale i arrestojnë e i lidhin dytë edhe i dergojnë në statcion të policisë, në Skenderaj.
Shkallët e stacionit policor dhe koridori i ktij stacioni mbushen nga dy anët me koridon të policisë i godasin ashtu me duar lidhur me kondaka, shkelma e grushta, pastaj i lidhin për radiatorëve në koridorin e policisë.
Aty, i rrahin me orë të tëra deri sa alivanosen. Trupi dhe fytyra ju nxihet, iu ajet tejmase pas disa orëve rrahje brutale i dërgojnë në burgun e Mitrovicës dhe nga burgu i dërgojnë në spitalin e Mitrovicës edhe sot e kësaj dite kur tregon ngjarjen doktori i Spitalit të Mitrovicës Bajram Koca se në çfarë gjendje i kishte pa nipat e vet i mbushen sytë me lot, dajës Bajram Koces i cili në atë kohë punonte mjek në atë spital.
Pastaj, i dënojnë me 3 muaj burg Haxhinë, dhe 1 vjet e gjysmë Fadilin dhe i lirojnë në mbrojtje në liri.
Nga kjo ditë emri i ka mbet me letra “Skenderaj” nuk mundi ta ndërroj askush dhe ky emër u la me gjak.
Dhe po e themë për herë të parë se aksioni i parë kundër forcave serbe me urdhër të Adem Jasharit u bë nga unë Gani Geci, Xhevahir Geci dhe Agim Geci, pikërisht për t’u hakmarrë për maltretimin ç’njerëzor që ia bënë policia vëllezërve të mi.
Të gjitha lokalet tona i kishim lëshuar pa asnjë cent, për aktivitete politike në komunën e Skenderajt ku ishin të organizur nga mbrojtje deri te ndihmat, LDK ishte forcë kryesore politike dhe ushtarake.
Ndërsa edhe zyrët e shoqatës “Nëna Terezë” me kryetarin e saj Dr Bajram Gashin ishin aty dhe zyret e partive politike ishte në zyrat tona aty mësonin edhe dy klasë të gjimnazit, dhe të gjitha dokomentet lëshoheshin me emrin Skenderaj.
Emrin Skenderaj ky vend e banë me gjak e me mund andaj duhet e gjithë Kosova ta dinë se Skenderaj është i vetmi emër që figuron në dokumentacionin e NATO-s, të UNMIK-ut dhe të Republikës së Kosovës.
Ndërsa se kush e ka lënë Drenicën në duart e Hashim Thaçit unë e kam shpjeguar qysh nga viti 1999 unë e kam shpjeguar në librin tim “Lufta pa Maska 1991 -1999” dhe ne çdo intervistë televizive prej vitit 2000 e këndej por shpresoj se edhe pse nashta pak vonë, por ma mirë vonë se kurrë, tani ketë do ta shpejgojnë edhe Jasharajt.