Pas zgjedhjeve të 14 shkurtit, pritet të formohet Qeveria e re. Zgjedhjet e 14 shkurtit priten që Lëvizjen Vetëvendosje ta vendosin subjektin e parë në Kosovë.
Sondazhet e fundit tregojnë se Lëvizjes Vetëvendosje do t’i duhej të bëjë një koalicion me një parti tjetër për të formuar Qeverinë dhe pastaj të zgjedhin edhe Presidentin.
Në lidhje me këtë çështje, ish kandidati i pavarur për President të Kosovës, Seremb Gjergji, thotë se, Presidenti duhet të përfaqësoj interesat e popullit dhe të zgjidhet nga populli.
Sipas tij, ky post nuk duhet të jetë lojë e kalkulimeve politike, ndoshta të digjen vërtetë edhe ata që e meritojnë këtë pozitë.
“LVV-ja do të bëjë dhe duhet të bëjë marrëveshje me partitë tjera, sepse pozita e Presidentit kërkon përkrahje dhe mbështëtje jo vetëm nga partitë e pozitës, që unë vlerësoj që së paku do të jenë dy, por edhe nga të gjitha grupët parlamentare – përfshirë edhe ato minoritare. Kjo bjen në një stad të ri – KONCESIONET që duhet të bëjë VV-ja! Andaj, zgjidhja e Presidentit prej Parlamentit të Kosovës sjellë vëtëm turbullira, ngërçe dhe inate ndërmjet individëve, deputetëve dhe mbi të gjitha partive politike. Nëse VV hyn në koalicion me cilëndo parti – obligohet që pjesë të koncesionit politik të pranoj edhe poziten e Presidentit”, thotë Gjergji për gazetën “Bota sot”.
Sipas tij, dihet që VV-ja është akorduar që Vjosa Osmani- Presidentja e tashmë në detyrë, të kandidohet për Presidente të vendit – që nënkupton nëshkrimet e 30 deputetëve.
“Por asnjë Qeveri nuk e rrezikon mandantin e saj për koncesionin e pozitës së Presidentit. Kryeministri/kryeministja e udhëheqë shtetin, jo Presidneti. Ky i fundit vetëm e përfaqëson”, thotë Gjergji.
Ai shton se, AKK dhe PDK i kanë prej kohe kandidatët e vetë.
“Madje AAK në këto zgjedhje garon për President, jo më për Parlamanet. Në këtë situatë i vetmi koalicion i mundshëm pa probleme të mëdha do të jetë sërish me LDK-në, nëse vihet në peshore edhe pozita e Presidentit. LDK është e gatshmë për të gjitha llojet e koncesionit. Nuk kanë asnjë vi të kuqe”, përfundon Seremb Gjergji.