Ish-presidenti rus Dmitry Medvedev akuzoi Shtetet e Bashkuara për një “Iuftë me përfaqësues” kundër Rusisë. Akuzat e tij erdhen pasi Dhoma e Përfaqësuesve miratoi një paketë të re ndihme prej 40 miliardë dollarësh (32.4 miliardë paund) për Ukrainën.
Sipas Sky News, Medvedev shkroi në Telegram se qëllimi i SHBA-së është që t’I shkaktojë një disfatë Rusisë.
“Qëllimi i tij është të vazhdojë luftën proxy kundër Rusisë, dëshira për t’i shkaktuar një disfatë të rëndë vendit tonë. Të kufizojë zhvillimin e tij ekonomik dhe ndikimin politik në botë. Nuk do të funksionojë. Shtypshkronja e tyre, për shkak të së cilës Amerika po rrit vazhdimisht borxhin e saj kombëtar tashmë të fryrë, do të thyhet më shpejt.
Për të mos përmendur çmimet e çmendura të benzinës dhe ushqimeve, për rritjen e të cilave amerikanët duhet të falënderojnë autoritetet e tyre rusofobike. Por qëllimet e operacionit special do të arrihen,”-shkruajti Medvedev.
Dhoma e Përfaqësuesve e SHBA miratoi paketën e re të ndihmës prej 40 miliardë dollarësh për Ukrainën të martën. Projektligji do t’i jepte Ukrainës ndihmë ushtarake dhe ekonomike, do të ndihmonte aleatët rajonalë, do të rimbushte armatimin dhe do të siguronte 5 miliardë dollarë për të adresuar mungesat globale të ushqimit të shkaktuara nga Iufta që dëmton prodhimin normalisht të fuqishëm të të korrave të Ukrainës.