Edhe Izrali është bashkangjitur me shtetet që po udhëzojnë shtetasit e vet të largohen nga Ukraina.
Sipas asaj që raportohet në mediat e huaja ministri i mbrojtjes i Izraelit Benny Gantz ka dhënë instruksione për përgatitjen e evakuimit të izraelitëve nga Ukraina.
Ngjashëm kanë vepruar edhe shtete të tjera të fuqishme si Shtetet e Bashkuara të Amerikës, Britania e Madhe, Franca e Gjermania.
Në anën tjetër sot është zhvilluar një telefonatë e rëndësishme midis presidentit amerikan Joe Biden dhe atij rus Vladimir Putin.
Biden raportohet të ketë paralajmëruar Putinin rreth konsekuencave që do të ketë një pushtim i mundshëm i Ukrainës nga rusët.
Kurse, presidenca ruse ka thënë se Biden nuk ka adresuar shqetësimet kryesore të Rusisë rreth çështjes së Ukrainës.
Gjithashtu gjatë ditës sot është raportuar se një pushtim i mundshëm i Rusisë mbi Ukrainën mund të fillojë në mes të javës së ardhshme.