Mëngjesin e së mërkurës është parë në brigjet e detit të Sarandës jahti luksoz i njeriut më të pasur në botë, Jeff Bezos.
Jahti i quajtur “Flying Fox”, përdorimi javor i të cilit kushton tre milionë euro, është fotografuar në portin e Sarandës.
Mediat në Shqipëri raportojnë se njeriu më i pasur në botë mund të ndodhet në bregdetin shqiptar, nga ku edhe mund të blejë naftë pa akcizë.
Jahti “Flying Fox” i Jeff Bezos në Shqipëri (Foto: Ksamil Albania/Facebook)
“Flying Fox” shquhet si një nga jahtet më të shtrenjta dhe luksoze në botë.
Ai është i gjatë plot 136 metra dhe mund të mirëpresë në kuvertën e tij deri në 25 mysafirë, ka 11 kabina, të gjitha me tarraca private me pamje nga deti – thuhet sipas përshkrimi biografik në faqen zyrtare të jahtit.
Jahti “Flying Fox” i Jeff Bezos në Shqipëri (Foto: Ksamil Albania/Facebook)
Një tjetër veçanti e “Flying Fox” është pishina 12 metra, e cila shkon tërthor në kuvertën kryesore, e para për një super jaht të kësaj madhësie, teksa ka gjithashtu edhe një pistë helikopteri në të
Kujtojmë që këtë vit është parë në brigjet e Durrësit edhe jahti i milinerit Dan Bilzerin, i njohur gjithashtu edhe si “mbreti i Instagramit”.