Kampioni i boksit vdes pas një grushti në stërvitje

Kampioni australian i boksit, Dwight Ritchie, 27 vjeç, ka rënë në ring dhe ka humbur jetën pas një grushti që ka marrë gjatë stërvitjes.

Dwight Ritchie, vdiq pasi u godit nga një grusht në stomak këtë të shtunë.

Ai kishte hyrë në ring për të ndihmuar Michael Zerafan në stërvitjen, kur u godit dhe ra në tokë.

Komuniteti australian i Boksit është mbledhur për t’i shprehur nderimet babait të tre fëmijëve, që dikur ka qenë kampion i peshave të mesme.