Lëvizja Vetëvendosje dhe Lista Vjosa do të përfaqësohen me 58 deputetë në legjislaturën e tetë të Kuvendit të Kosovës, por lista e atyre që do të zënë vend në institucione – edhe në organin më të lartë ligjvënës – është edhe më e gjatë.
Kushtetuta e Kosovës parasheh se mandati i deputetëve që marrin poste në ekzekutiv apo në institucione tjera përfundon dhe se ata mund të zëvendësohen nga kandidatë të tjerë, që ishin në prag të futjes në Kuvend. Të parët që hyjnë si zëvendësues janë ata që janë të parët në listën e atyre që kanë mbetur jashtë, raporton Express.
Më poshtë, lista e 17 kandidatëve për deputetë që pritet të bëhen deputetë posa të formohen institucionet e reja:
Shqipe Isufi 7554
Enver Haliti 7492
Mirsad Shkreta 7366
Gramos Agusholli 6737
Alban Bajrami 6635
Jahja Kokaj 6490
Hydajet Hyseni-Kaloshi 6413
Ekrem Mustafa 6275
Enver Dugolli 6101
Halil Thaçi 5922
Yllza Hoti 5911
Nasuf Bejta 5764
Valdet Januzaj 5742
Hysamedin Feraj 5555
Gresa Bytyqi Kelmendi 5334
Hysen Durmishi 5217
Mimoza Shala 5006
Javën e kaluar, Komisioni Qendror i Zgjedhjeve i publikoi rezultatet përfundimtare të zgjedhjeve të parakohshme paralmentare që u mbajtën më 14 shkurt. Lëvizja Vetëvendosje ka marrë 428 mijë e 334 vota, apo 49.95%; Partia Demokratike e Kosovës ka marrë 148 mijë e 296 vota, apo 16.90%; Lidhja Demokratike e Kosovës ka marrë 110 mijë e 978 vota, apo 12.64%; pas saj është radhitur Aleanca për Ardhmërinë e Kosovës me 62 mijë e 111 vota apo 7.07%.
