Arbër Zaimi, këshilltar i kryeministrit në detyrë Albin Kurtit, ka thënë se “mafia dhe shfaqjet e saj partiake, mediatike dhe biznesore janë bërë bashkë kundër Lëvizjes Vetëvendosje”.
Ai ka thënë se ata mezi po presin të thonë se “iku dita, u kthye nata”.
Por, Zaimi ka paralajmëruar se përtej dallimeve dhe partive, poplli është bërë me Kurti e me Lëvizjen si kurrë ndonjëherë.
Sipas tij, asnjë njeri i ndershëm nuk i mbështet hajnat dhe krimin.
Postimi i Zaimit në Facebook:
E gjithë mafia dhe shfaqjet e saj partiake, mediatike dhe biznesore janë bërë bashkë për të shpëtuar veten. Kanë hyrë all-in, me çdo mjet e metodë, kundër Vetëvendosjes, kundër aktivistëve, kundër Albin Kurtit, kundër çdo drejtësie që meriton ky popull.
Mezi presin të thonë: iku dita, u kthye nata.
Por populli, përtej dallimeve, madje përtej partive, është bërë me Albinin e me Lëvizjen si kurrë ndonjëherë. Pse? Sepse njerëzit panë drejtësi, punë dhe sinqeritet, të cilat kishin menduar se nuk ekzistonin më.
Asnjë njeri i ndershëm nuk i mbështet hajnat dhe krimin. Me hajna nuk ka shtet, as të ardhme, as jetë.