Sot në ora 11:00 në Kuvendin e Kosovës do të mbahet seanca parlamentare për formimin e Qeverisë, ku pritet të votohet ajo e udhëhequr nga Albin Kurti i VV’së.
Dy partitë të cilat u morën vesh pas katër muajve, do të kenë secila nga gjashtë ministri, ndërsa tri prej atyre që mbesin, do t’u takojnë minoriteteve.
Ndonëse jo zyrtarisht, deri tash bëhen të ditur edhe emrat e Ministriave që do t’i udhëheqin institucionet kryesore të vendit, 6 emra nga LDK e 6 nga VV.
Ministria e Punëve të Jashtme – Glauk Konjufca
Ministria e Drejtësisë – Albulena Haxhiu
Ministria e Financave – Besnik Bislimi
Ministria e Ekonomisë – Rozeta Hajdari
Ministria e Shëndetësisë – Arben Vitia
Ministria e Integrimeve Evropiane – Blerim Reka
LDK
Ministria e Punëve të Brendshme – Agim Veliu
Ministria e Infrastrukturës – Lumir Abdixhiku
Ministria e Bujqësisë – Besian Mustafa
Ministria e Arsimit – Hykmete Bajrami
Ministria e Kulturës, Rinisë dhe Sportit – Vlora Dumoshi
Ministria e Mbrojtjes – Anton Quni
Kujtojmë se dy partitë në fjalë kanë nënshkruar koalicion pas katër muajsh pritje, pasi që nuk dakordoheshin rreth posteve në Qeveri.
Pas kësaj, Glauk Konjufca i VV’së i cili u zgjodh kryeparlamentar në seancën e 26 dhjetorit pritet të japë dorëheqje, ndërsa LDK njëherë për njëherë, do të lëshojë pe për postin e presidentit.