Nga 35 mijë biznese private aktive në Kosovë, dhjetë për qind e tyre vlerësohet të kenë pasuri prej disa milionave eurosh. Njerëzit më të pasur të këtij vendi, sipas biznesmenëve kosovarë, është shumë vështirë të identifikohen. Për ta më shumë flitet, se sa ka të dhëna konkrete. Vetë biznesmenët kanë folur për njëri-tjetrin, duke provuar në mënyrë të lirë të shpallin më të pasurin e Kosovës. Dhe, ja tek vjen renditja…
1. Behgjet Pacolli – “Mabetex” (Mbi 400 milion euro)
Ish zëvëndëskryeministri i Kosovës dhe deputeti aktual ka një pasuri qindra milionëshe të deklaruar. Ai merret kryesisht me ndërtim, por ka në pronësi edhe disa hotele, kompani financiare, sidomos Bankën Ekonomike dhe kompaninë Siguria dhe disa biznese tjera përcjellëse që kryesisht merren me tregti.
2. Ekrem Lluka – “Dukagjini”
Ka në pronësi konglomeratin Dukagjini. Aty hyjnë Hotel Dukagjini, rrjeti i librarive me të njëjtin emër, Radiotelevuizioni Dukagjini, disa ndërtesa, një kompani sigurimesh dhe shumë kompani tjera përcjellëse më pak të rëndësishme. Pasuria e tij është e padeklaruar, por llogaritet të jetë qindra milionëshë.
3. Ramiz Kelmendi – “Elkos” (Rreth 100 milion euro)
Ka në pronësi rrjetin e shitjeve me shumicë Ekkos dhe rrjetin e supermarketeve ETC. Edhe pasuria e tij është e deklaruar pasi disa herë ishte deputet i Kuvendit të Kosovës.
4. Vëllezërit Devolli – “Devolli”
Kanë anët negative dhe pozitive në biznes. Janë mbretër të monopoleve në Kosovë, duke i zhvatur kosovarët në shumë forma përmes lidhjeve të tyre me ish pushtetarët e deridjeshëm. Por, paratë nuk i kanë harxhuar shkel e shko. Kanë pasuri qindra milionëshe.
I kanë kontribuar mjaft edhe ekoniomisë. Kanë në pronësi edhe disa fabrika, duke i bërë liderë të prodhimeve mjaft cilësore. Ata janë pronarë të Princ caffe-së, Birrës Peja, qumështit Vita dhe disa prodhimeve tjera, të cilat i mungojnë Kosovës shumë.
Ata i janë futur fuqishëm edhe sektorit të shërbimeve, sidomos telekomunikimeve, duke pasë në pronësi Klan Kosovën, Kujtesën, Artmotion dhe disa terminale. 
5. Remzi Ejupi – “Eurokoha”
Merret me agjenci turiqtike, duke pasë në pronësi Eurokohën, që është lider i organizimit të udhëtimeve në vend. Por, edhe ky ka në pronësi një media, Zërin dhe është aksionari kryesor në KF Prishtina.
6. Familja Kyreziu– “Shell” dhe Ndertime
Trashëgimtarët e Latif Kryeziut, që ndërroi jetë vitin e kaluar nga komplikimet prej civid 19, janë mjaft të pasur. Ata kanë në pronësi rrjetin më të madh në vend të distribuimit të naftës dhe deriviate të saj, nën brendin botëror SHell. Të njëjtën kohë merren edhe me ndërtime, duke pasur në pronësi kompaninë Royal, që ka dhjetëra ndërtesa në Prishtinë.
7. Hetem Ramadani – “Salbatring” (Rreth 90 milion euro)
Zhvillon aktivitet në Slloveni, duke qenë një ndër kompanitë tregtare më të mëdha atje. Ai njihet edhe si mjek popullor përmes meditimit.
8. Nebih Zariqi- “Standard”
Kompani ndërtimore mjaft e përhapur në Prishtinë. Pasuria e tij sipas deklarimit të tij është mbi 70 milion euro.
9. Vëllezërit Besimi – “Getoari”
Pasuria e tyre e saktë në shifra nuk dihet mirëpo sipas disa intervistave investigative supozohet të jetë mbi 35 milion .
10. Ibrahim Bucaliu – “Hib Petrol”
Rrjeti i dytë më i madh i pompave të benzinës. Pasuria e tij kap vlerën diku mbi 58 milion euro, pa i përfshirë pronat e tjera afariste.