Këshilli i Përgjithshëm i LDK-së ka votuar tre nënkryetarët e partisë, ata janë Agim Veliu, Lutfi Haziri dhe Vjosa Osmani, transmeton Gazeta Metro.
Agim Veliu, kryetar i Komunës së Podujevës, do të jetë nënkryetari i parë i Lidhjes Demokratike të Kosovës, pas tij vjen kryetari i Gjilanit, Lutfi Haziri dhe i treti vjen për herë të parë një grua, Vjosa Osmani.
Ndërsa risi është se ish-ministri i Infrastrukturës, Lutfi Zharku është zgjedhur sekretar për buxhet, financa dhe ekonomi.
Po ashtu Këshilli i Përgjithshëm i LDK’së, vendosi unanimisht që Vjosa Osmani të jetë kandidatja e LDK’së për kryeministre të vendit dhe Lutfi Haziri si udhëheqës i fushatës së saj.
Këto vendime janë pritur mirë nga të gjithë anëtarët e LDK’së duke i dalur në mbështetje Vjosa Osmanit.