Publicistja Kimete Berisha në një postim të saj në Facebook, pas rezultatit zgjedhor në Podujevë shkruan se Agim Veliu tani ka arsye për të shpall gjendjen e jashtëzakonshme.
Berisha thotë se më mirë të shpallej fitorja e Shpejtim Bulliqit pas mesnate, pasi sipas saj, kombinohej me fatin e Agim Veliut.
Ajo duke shprehur gëzimin për fitoren e Vetëvendosjes në Podujevë, thotë se është e njëjta ndjenjë sikurse është ҫliruar Mitrovica nga bandat e SHIK-ut.
“Kosova e ka Albin Kurtin, prandaj për rininë ka shpresë”, shkruan ajo.
Postimi i plotë:
E tash Agim Veliu ka arsye me shpall gjendjen e jashtëzakonshme.
Më me dëshirë e kisha shpall fitoren e Shpejtim Bulliqit pas mesnate, që m’u kombinu me fatin e Agim Veliut.
Veç kur u çliru Mitrovica prej bandave të shikut, ani sot jam e gëzuar për Podujevën që pas 30 vjetësh më në fund u pavarësua nga pronarja e saj-LDK.
Fitore më simpatike se kjo, nuk ka.
P.S. Kosova e ka Albin Kurtin, prandaj për rininë ka shpresë.
Beso.
Është i vetmi politikan i pakorruptuar.
E di bota, e s’po e dini ju.