Është shënuar VlKTlMA e parë nga tërmeti që goditi mbrëmë në Bosnjë e Hercegovinë, teksa lëkundjet u ndjenë edhe në Kosovë.
Sipas informacioneve paraprake e reja u gjet nën rrënoja pasi një pjesë e kodrës u shemb duke rënë mbi shtëpinë e familjes së saj.
Edhe pse është dërguar menjëherë në qendrën shëndetësore të Stolacit, e reja kishte ndërruar jetë në vend. Familjarët e saj kanë marrë disa plagë por janë jashtë rrezikut për jetën.
Ajo ka arritur në spital pa puls, teksa nuk ka arritur t’u mbijetojë plagëve.
“Ka pasur edhe lëndime të lehta në kokë për shkak të rënies së objekteve nëpër shtëpi, mirëpo jo diçka shumë serioze. Të gjithë ata janë liruar për trajtim shtëpiak”.-ka thënë shefi i spitalit, Kazimir Raguz.
Edhe prindërit si dhe motra e saj janë lënduar nga tërmeti.
Ranko Radiq, udhëheqës për mbrojtje civile në Lubinje, që gjendet 30 kilometra nga Stolaci, ka thënë se në qytet ka makina dhe shtëpi të dëmtuara.
