Kongresmeni republikan në Senatin e SHBA-së, Ritchie Torres, ka vazhduar thirrjet e tij për anëtarësimin e Kosovës në Aleancën Veri-Atlantike, në vazhdën e agresionit rus.
Torres thirrjet që Kosova të anëtarësohet në NATO i ka bërë të ditur nëpërmjet shpërndarjes së prononcimit të tij për mediumin News12 në llogarinë zyrtare të tij në ‘Twitter’. Ai deklarohet për Kosovën teksa njofton për takimin, siç e quan ai, emocional që pati me presidentin ukrainas, Volodymyr Zelensky, nëpërmjet një video-thirrjeje online me të gjithë kongresmenët amerikanë.
Biseda e Kongresit me Presidentin Zelensky ishte emocionale dhe theksoi nevojën urgjente për ndihmë për #Ukrainë dhe kombet fqinje. Ne vazhdojmë të qëndrojmë përballë Ukrainës, përballë sulmeve të dhunshme dhe kërkojmë që #Kosova të pranohet në NATO”, thuhet në postimin e tij.
“Nevoja për anëtarësim në NATO nuk ka qenë kurrë më urgjente për shkak të agresionit rus. Nëse presidenti nuk arrin ta përfshijë Kosovën në aleancën e NATO-s, atëherë vendet si Kosova mund të kenë të njëjtin fat si Ukraina dhe kjo është diçka që ne duhet ta parandalojmë me çdo kusht”, thuhet ndër të tjera në deklarimin e tij për mediumin amerikan.
Kosovo, a strong U.S. ally in Southeastern Europe, should be admitted into #NATO. I urge @POTUS & @SecBlinken to redouble efforts to ensure #Kosovo becomes a member. We must stand with our ally amidst the ongoing security crisis in the region. 🇽🇰 pic.twitter.com/i7PtG8PEzs
— Rep. Ritchie Torres (@RepRitchie) March 6, 2022
Kongresmeni republikan, ditë më parë i ka dërguar letër presidentit amerikan, Joe Biden, si dhe Sekretarit amerikan të Shtetit, Antony Blinken, duke kërkuar se Kosova është aleat i madh dhe besnik i SHBA-së. Kësisoj, sipas letrës, Kosova duhet t’i bashkohet NATO-s në mënyrë që të kundërshtohet ndikimi rus në rajon.
“Më 27 shkurt, ministri i Mbrojtjes së Kosovës, Armend Mehaj, bëri thirrje për një ‘të përshpejtuar anëtarësimin në NATO’. Për më tepër, më 3 mars, Kuvendi i Kosovës miratoi një rezolutë me të cilën i bën thirrje qeverisë së tyre të fillojë negociatat për anëtarësimin në NATO. Nuk mund të pajtoheshim më shumë me këto veprime”, ka shkruar Torres.
“Përderisa Rusia vazhdon të sillet si një aktor irracional dhe Serbia forcon marrëdhëniet e saj me Rusinë, është më se e nevojshme që ne të ndihmojmë aleatin tonë Kosovën për t’iu bashkuar NATO-s. Me situatën në zhvillim të shpejtë të sigurisë në Evropë, ne duhet të qëndrojmë me aleatin tonë”, thuhet në letrën e kongresmenit.