Glauk Konjufca anëtar i kryesisë së Vetëvendosjes, në emisionin Rubikon në Klan Kosova ka folur rreth mundësisë së partisë tij për koalicione nëse zgjedhjet mbahen shpejtë.
I pyetur nëse Vetëvendosje është e gatshme për koalicion me AAK-në, si përgjigje deklaratave të Daut Haradinajt se AAK mund të bëjë koalicion me VV-në para ose pas zgjedhjeve, Konjufca nuk ka qenë i gatshëm t’i përgjigjet pozitivisht kësaj gatishmërie, transmeton Reporteri.net.
Ai me këtë rast ka thënë se nuk është vetëm AAK që po shpreh gatishmëri për koalicion me VV-në, dhe sipas tij këtë gatishmëri e kanë shprehur hapur edhe PDK e LDK. Por, ai ka thënë se deri tash VV është e gatshme për bashkëpunim vetëm me Vjosa Osmanin.
Kjo sipas tij, sepse me Vjosa Osmanin qëndrojnë në linjë të përafërt politike, dhe se ajo deri tani nuk është përfshirë në ndonjë aferë korruptive