Ish-ambasadori amerikan në Kosovë, Philip Kosnett, u është drejtuar BE-së dhe SHBA-së ta kenë parasysh veprimin e presidentit serb karshi Vladimir Putin, pasi duket se ndërmjet Perëndimit dhe Putinit, presidenti serb zgjodhi këtë të fundit.
Këtë koment Kosnett e ka bërë në profilin e tij në Twitter.
So it seems Serbia’s Vucic has chosen Putin over the West – while claiming his hands are tied by public opinion and hiding behind the Church. That’s not leadership; it’s moral cowardice. EU, U.S. please take note.
— Philip Kosnett (U.S. Ambassador, Ret.) (@PhilKosnett) February 27, 2022
“Pra, duket se Presidenti i Serbisë Vuçiq ka zgjedhur Putinin në vend të Perëndimit – ndërsa pretendon se duart e tij janë të lidhura nga opinioni publik dhe fshihet pas Kishës. Kjo nuk është udhëheqje; është frikë morale. BE, SHBA ju lutemi kini parasysh”, ka shkruar ai ndër të tjera.
Kujtojmë se Vuçiq po aplikon qëndrim të dyfishtë në kohën kur lufta ka nisur në Ukrainë, me urdhër të Putinit.
Presidenti i Serbisë, Aleksandar Vuçiq ka thënë se Serbia e respekton integritetin territorial të Ukrainës, por nuk do të vë sanksione ndaj Rusisë.