Qyteti port i Mariupolit në bregun e Detit të Zi në Ukrainë vazhdon të jetë nën sulme të vazhdueshme nga ushtria ruse.
Nëpërmjet një video mesazhi kryetari i qytetit Vadym Boychenko thotë se autoritete ukrainase e kanë të pamundur të marrin qytetarët e plagosur që ndodhen në rrugë apo në banesat e tyre, për ti dhënë ndihmë, pasi shpërthimet janë të njëpasnjëshme.
- Advertisement -
“Nuk po arrijmë t’i marrim dot të plagosurit, as nga rrugët, as nga banesat, pasi sulmet me granata nuk kanë të ndalur”, tha kryetari i qytetit, shkruan BBC.
Ndërkohë ministria ruse e Mbrojtjes u ka kërkuar civilëve që të largohen nga qyteti përmes të ashtuquajturit “korridorit të gjelbër”.
Sot, një zëdhënës i rebelëve pro-rus tha se ushtria do të ndërmarrë “sulme të synuara” kundër qytetit nëse forcat ukrainase nuk dorëzohen.