Nga: Kimete Berisha
– Të gjithë po duken si halucinantë që po e shohin një marrëveshje që nuk ekziston.
Por e vërteta në Ohër u krijua nga haluci.
– U arrit një marrëveshje – e panënshkruar.
Kush është ai injorant që e merr seriozisht marrëveshjen e pa nënshkruar!
As fatura e xhingla-minglave nuk është valide pa nënshkrim, lëre më…
– Marrëveshje n’besë është kjo?
Më shumë i besuakan Kosova e Serbia njëra – tjetrës sesa çiftet kur martohen me dashuri…
gjindja nënshkruajnë kur merren vesh për të blerë a për të shitur, për t’u ndarë a për t’u bashkuar….
e nuk respektohen marrëveshjet që janë nënshkruar, lëre më…
– Marrëveshjet Kosovë-Serbi janë bërë qesharake, nuk e kanë forcuar armiqësinë e vjetër por armiqësinë e kanë bërë ‘komike’!
Verë e dimër nga një marrëveshje fiktive…që dihet se nuk ka lidhje me realitetin.
– Po pse ky Albin Kurti ishte i gatshëm ta nënshkruante marrëveshjen Bruksel pranverë – verë 2023 – e Vuçiqi jo!
– Sepse Albin Kurti e kishte të qartë se Vuçiqi do ta refuzonte marrëveshjen?
Dhe duke refuzuar do të humbte?
Hehe!
– A po i bie kjo se Vuçiqi po e ndihmon Albinin?
Jo. Po luan me të si me llutkën e veshur pembe!
– Sepse, triku serb në të cilin ra Albin Kurti është:
Ai që e pranon marrëveshjen – për të marrëveshja demek është ‘e mirë’.
E ai që nuk e pranon (Vuçiqi), demek për të marrëveshja ‘e keqe’!
– E mbasi që kjo marrëveshje nënkupton themelimin e Asociacionit të komunave me shumicë serbe në Kosovë,
pse atëherë presidenti serb – ‘nuk e pranoi’ marrëveshjen!
– Këta janë shtosa arkaik serb!
Kështu, po duket sikur Albin Kurti e do Asociacionin për serbët e Vuçiqi s’e do!
Për të menduar kështu, duhet të jesh një idiot i regjur.
– E çka po ndodh pra?
Çka është më e rëndësishme për Serbinë më shumë sesa Autonomia (e serbëve) dhe statusi i veçantë për Kishën Ortodokse serbe?
– Ku po i dhemb Aleksandër Vuçiqit?
Pse bën sikur ‘nuk e do’ Autonominë e serbëve?
Sa i kushton kjo ‘dhuratë’ që ‘pravitet’ sikur e ‘refuzon’!
I kushton me anëtarësimin e Kosovës në OKB?
Edhe?
…Ukraina është në OKB!
Por…Luftën s’del kush që e ndal!
– Pasi që Vuçiq nuk do që Kosova të jetë në OKB dhe për anëtarësimin e mundshëm futuristik të Kosovës në OKB është në gjendje ta lëshoj zogun nga dora për një zog që e ka humbur rrugën n’hava?
Mashtrim klasik serb!
– Aleksandër Vuçiq s’ka nevojë për marrëveshje të re – Vuçiq e ka arritur qëllimin final me marrëveshjen e vjetër…
Albin Kurti është i detyryar ta zbatojë marrëveshjen për ‘Zajednicën’.
Dhe, ‘to je to’!
– Nuk ka pasur nevojë për asnjë marrëveshje të re që Aleksandër Vuçiq ta realizojë qëllimin e tij!
– Kush ka humbur?
Kosova, dihet!
Kosova me Albin Kurtin u bë pijac i Serbisë!
– Albin Kurtit nuk i ka mbetur një pikë moral. Mbi të gjitha është i paditur!
Aleksandër Vuçiq e mundi pa e thënë asnjë fjalë shqip.
E këtij i shkrihet serbishtja në gojë, si akullore!
Natyrisht, Vuçiqi e mundi me ndihmën e SHBA-BE-së.
– Jemi duke kaluar ditët e dëshpërimit të thellë!
Thjeshtë, Serbia po e fiton luftën në tavolinë!
E shqiptarët:
Ata që nuk janë dorëzuar – po largohen nga Kosova.
Këtu kanë mbetur: të mundurit!
P.S. Përveç Dorëheqje…Albin Kurti të hetohet për mashtrim!
– Çka ka përfituar që e ka mashtruar popullin!