Ish-kryeministri i Kosovës dhe kryetari i Lëvizjes Vetëvendosje ka uruar qytetarët me rastin e festës së Kurban Bajramit.
Përmes një postimi në Facebook, Kurti ka thënë se “Çka shkon te Zoti nuk është mishi e gjaku i sakrificës, por qëllimi i mirë, drejtësia, adhurimi e dashuria”.
Tutje ai ka apeluar te qytetarët që të mos grumbullohen në ambiente të mbyllura dhe të kufizojnë maksimalisht takimet e vizitat me persona jashtë familjes suaj.
“Uroj që festën ta kaloni lumturisht, dhe të na sjellë të gjithëve fat e mbarësi për javët e muajt në vijim, sepse kemi nevojë. Por ju lutem, mbani distancë, përdorni maskat, kufizoni maksimalisht takimet e vizitat me persona jashtë familjes suaj. Bëjeni këtë sakrificë për familjen e fqinjët, për bashkëkombasit tuaj. Edhe një herë, me fat Kurban Bajrami”, ka shkruar Kurti.