Ministria e Shëndetësisë konfirmoi sot se Instituti Kombëtar i Shëndetësisë Publike në Kosovë ka marrë donacion prej Serbisë 1000 teste për covid-19.
Për këtë foli edhe kryeministri Albin Kurti. Por ky i fundit nuk e di se me çfarë dokumentacioni hynë këto teste në Kosovë.
I pyetur nëse testet hynë në vend ‘për Republikën e Kosovës’ apo për ‘Kosovën e Metohinë’, Kurti kërkoi që për këtë të përgjigjet ministri në detyrë Arben Vitia.
“Për besë unë nuk i kam pa dokumentacionin e atyre 1 mijë testeve, besoj që Ministri i Shëndetësisë në detyrë Arben Vitia është kompetent për tu përgjigjur . Po ta dija do tua thoja”, tha Kurti në televizionin Dukagjini.
Aktualisht në Kosovë 449 persona kanë dalë pozitiv në koronavirus, 12 kanë humbur jetën derisa 79 janë shëruar.