Kreu i LDK-së, Isa Mustafa ka zhvilluar sot një bisedë telefonike me të dërguarin special të BE-së për dialogun, Miroslav Lajçak.
Këtë e ka konfirmuar vetë Lajçak, derisa ka thënë se ka pasur një bisedë konstruktive me kreun e LDK-së.
Lajçak po ashtu ka thënë se me Mustafën janë dakorduar mbi prioritetin për t’u kthyer në dialog që do të normalizojë marrëdhëniet me Serbinë dhe do të shtyente progresin e Kosovës drejt hapave evropianë.
“Faleminderit, Isa Mustafa për një bisedë konstruktive mbi situatën e tanishme politike, përgjigjen ndaj Covid-19, dhe pritje e së ardhmes për Kosovën.
U dakorduam në prioritetin për t’u kthyer në dialog që do të normalizojë marrëdhëniet me Serbinë dhe do të shtyente progresin e Kosovës drejt hapave evropianë”, ka shkruar Lajcak.
Thanks @IsaMustafaKS for a constructive talk on the current political situation, #COVID19 response, and future expectations for Kosovo. Agreed on priority of resuming Dialogue. Should lead to normalization of relations with Serbia and accelerated progress on their European path.
— Miroslav Lajčák (@MiroslavLajcak) May 15, 2020
Kujtojmë se Lajçak, ditë më parë ka deklaruar se shkëmbimi i territoreve mes Kosovës dhe Serbisë nuk do të jetë në rend dite në dialogun mes dy shteteve.