Kosova është vendi i fundit në Evropë për nga furnizimi me vaksina anti-COVID. Por, duket se edhe një kontingjent prej 62 mijë e 400 dozash pritet të vijnë në Kosovë me vaksina AstraZeneca nga programi COVAX.
Furnizimi ende nuk është nisur për Kosovë, por UNICEF ka bërë të ditur që tashmë janë bërë gati këto doza.
COVAX ka alokuar 201 mijë e 420 dokza të vaksinës për vendin tonë.
Ministria e Shëndetësisë nuk ka dhënë ndonjë informacion në lidhje me kohën se kur do të vijnë vaksinat e bëra gati në Kosovë.
Deri tash Kosova është furnizuar me 24 mijë doza të vaksinës AstraZeneca dhe me 4 mijë e 680 doza të vaksinës Pfizer.
Ka pasur hezitime fillestare nga stafet shëndetësore në vend për të marrë vaksinën e parë, derisa e dyta është marrë menjëherë prej tyre.