Xhudistja e njohur kosovare, Majlinda Kelmendi, sot në ditën e saj të pensionimit nga sporti i xhudos, është dekoruar me “Urdhrin Shotë Galica”, dekoratë kjo që u ndahet personave që kanë bërë vepra trimërie dhe në të njëjtën kohë kanë kontribuuar edhe në barazinë gjinore.
Presidentja e Kosovës, Vjosa Osmani, ndau këtë dekoratë për Majlindën, duke thënë ajo padyshim mund të krahasohet me Shotë Galicën, për shkak të shpirtit të saj luftarak.
- Advertisement -
“Sikur Shotë Galica në beteja me pushkë, Majlinda në beteja sportive, mbajti gjallë frymëzimin për breza të tërë, dhe valëviti lart flamurin e Kosovës”, ka thënë Osmani gjatë dekorimit të Kelmendit.
