Kryeministri i Malit të Zi, Zdravko Krivokapiq, i është përgjigjur deklaratës së kryeministrit të Kosovës, Albin Kurtit, ”se nuk do të ketë zbatim të marrëveshjes së demarkacionit me Malin e Zi, në formën në të cilën u ratifikua në vitin 2018”, duke thënë se marrëveshja është valide dhe se ajo duhet të respektohet.
Madje, ai vuri në dukje se ”marrëveshja është obligative për të dy shtetet”.
- Advertisement -
Sipas tij, cështja e kufijve në Ballkan është gjithmonë problematike dhe nëse preken kufijtë, potencialisht është një luftë.
Ndaj, Krivokapiq shtoi se dy grupet e ekspertëve kanë konstatuar gjendjen që është ndërkombëtarisht e verifikuar dhe nuk sheh arsye pse të ngrihet kjo çështje.
Ndryshe kryeministri i Kosovës, Albin Kurti, deklaroi së fundmi në Kuvend se ai do të bëjë maksimumin që të korrigjojë gjithçka që është bërë padrejtësisht, gabueshëm e dëmshëm në vitin 2018 kur ishte ratifikuar ajo marrëveshje që sipas tij, ia humbi territorin Kosovës./klankosova