Nënkryetari i Skenderajt, Sami Lushtaku, ka publikuar një fotografi në një odë të Drenicës.
Lushtaku, në një postim në Facebook njoftoi se është mbledhur me bashkëluftarë të Ushtrisë Çlirimtare të Kosovës në fshatin Abritë Drenicës.
“Ndejë për qejfi me miq e bashkëluftëtarë në Abri të Drenicës!”, shkroi ai, teksa shihet me disa prej komandantëve të UÇK-së, Sylejman Selimi dhe Agim Çeku.
Ditë më parë, Lushtaku deklaroi se ka pritur nga kryeministri, Albin Kurti t’i mbledhë dhe t’i thërret të gjithë ish-komandantët dhe të kërkojë edhe mendimin e tyre sa i përket rrezikut që potencialisht mund ta ketë edhe Kosova.
“Unë kam prit prej kryeministrit Albin Kurtit që gjithë komandantët e zonave i thërret dhe e kërkon edhe mendimin tonë. Unë mendoj se secili shtet normal sidomos ne, kur e kemi përballë Serbinë dhe problemet e pazgjidhura me Serbinë unë mendoj që Serbia e ka një pretekst më të madh Mitrovicën e Veriut, kështu që unë e shoh që rreziku gjithmonë është në derë”, pati thënë ai.