Familja Uka nga Prishtina, jeton në gjendje të rëndë financiare. Lusin vullnetmirët për ndihmë.
NUMRI I TELEFONIT
044 126 988
E gjithë shtëpia e tyre, është kjo dhomë.
Por edhe brenda saj, familja Uka nga “Kodra e Trimave” , po përballet me mungesën e kushteve elementare për jetë.
Nëna e katër fëmijëve, Elmazja, thotë që ditët i kalon duke kërkuar lëmoshë në rrugët e kryeqytetit.
Por, sipas saj, nën mëshirën e kalimtarëve, është e vështirë të sigurohet ushqimi për fëmijë.
Pavarësisht lodhjes, Elmaze Uka thotë se nuk do të heq dorë nga kërkimi i lëmoshës.
Kjo pasi, sipas saj, 130 euro të asistencës sociale, nuk po u mjaftojnë.
E kjo familje, po ndihet e rrezikuar edhe nga virusi covid 19.
Kjo pasi që nuk janë të pajisur me asnjë prej masave mbrojtëse.
Uka thotë se as fëmijët e saj nuk kanë pasur mjetet që u duhen për të ndjekur mësimet në distancë.
Ndërkohë, kryefamiljari, Agim Uka, thotë që vuan nga një sëmundje në këmbë.
Për këtë, i është rekomanduar intervenimi mjekësor.
Por, sipas Ukes, duhet që së pari të mendojë për fëmijët.Familja Uka nga Kodra e Trimave në Prishtinë, ka mbetur nën mëshirën e njerëzve vullnetmire.
Të vetëm kërkese, e kanë sigurimin e një shtëpie, pasi sipas tyre, jetesa në këtë vend, iu është bërë e pamundur.